Herbi lakamly "ýolbars kelleli" towşan häzirki wagtda ýaşaýan towşanlaryň iň garrysy diýlip ykrar edildi. Ginnesiň rekordlar kitabynyň saýtynda habar berlişi ýaly, rekord hasaba alnan pursatynda onuň ýaşy 15 ýyl 82 güne deň boldy.
Herbi Beýik Britaniýanyň Surreý graflygynda mugallym bolup işleýän Riçard we Melissa Danem maşgalasynda ýaşaýar. Olar ony sekiz hepdelik wagty haýwanat dükanyndan alypdyrlar. Towşan bu maşgala Flopsi atly towşanyň öňki hemrasy Starski aradan çykandan soň, oňa ýoldaş hökmünde getirilipdir.
Jübüt 2010-njy ýyldan bäri towşan saklaýarlar we şu wagta çenli birnäçe haýwany halas etdiler.
Adatça, ýolbars kelleli towşanlar 7 ýyldan 10 ýyla çenli ýaşaýarlar, şonuň üçin Herbiniň ýaşy bu tohum üçin ortaça görkezijiden takmynan iki esse köpdür.
Melissanyň aýtmagyna görä, onuň jandarynyň özboluşly häsiýeti bar: ol garaşsyz, buýurmagy gowy görýär we aýratyn-da Riçarda juda bagly. Ýaş wagty Herbi eýesiniň otagda öz yzyndan ylgaýanyny gowy görer eken we oýnuň dowam etmegi üçin käte saklanyp garaşar eken.
