Boeing kompaniýasy uçaryň ýolagçylary üçin işlemäge we wideogepleşikleri geçirmäge niýetlenen aýratyn kabinanyň nusgasyny tanyşdyrdy. Bu täze taslama Gamburgda geçirilen Aircraft Interiors Expo 2026 sergisinde görkezildi.
Beýle modulyň kömegi bilen ýolagçylar beýleki adamlara päsgel bermezden we beýleki galmagallara ünsüni bölmezden gepleşikleri geçirmäge, wideokonferensiýalara gatnaşmaga we iş meseleleri bilen meşgullanmaga mümkinçilik alarlar diýlip garaşylýar.
Görkezilen materiallara görä, kabinanyň içinde gepleşikleri üzňeleşdirilen ýagdaýda alyp barmaga kömek edýän sesi özüne siňdirýän materiallar ulanylýar. Kabina iki görnüşde ulanmaga – oturan ýeriňde işlemäge we aýak üstünde işlemäge niýetlenendir.
Kabinanyň içinde ýagtylandyryş ulgamy, zarýad beriji portlar we şahsy goşlar üçin ýörite ýer göz öňünde tutulypdyr. Iki görnüşiň arasyndaky esasy tapawut diňe iş stolunyň beýikligindedir.
Boeing ýolagçylaryň uçuş wagtynda işlemeginiň barha artýandygy sebäpli, geljekde şeýle çözgütlere islegiň uly boljakdygyny belleýär.
Bu taslamanyň haçan ornaşdyryljakdygy we mümkin bolan sargytçylary barada entek hiç hili maglumat ýok. Häzirki wagtda gürrüň taýýar önüm däl-de, diňe bir ideýanyň tanyşdyrylyşy barada gidýär.
