Disney kompaniýasy «Nemonyň gözleginde» älemi boýunça gysga metražly multfilm taýýarlaýar. Bu barada «Deadline» neşiri habar berýär.
Baş gahryman — Dori atly balyga ýene-de öňki telealypbaryjy we komik Ellen DeJeneres ses berer.
Sýužet barada maglumatlar we multfilmiň çykjak wagty häzirlikçe mälim edilmeýär. «Nemonyň gözleginde» atly ilkinji multfilm 2003-nji ýylda çykypdy we ol Ýuwaş ummanda ogly Nemony ýitiren Marlin atly balygyň başdangeçirmeleri barada gürrüň berdi.
Bu multfilm dünýä kinoprokatynda 941 million dollar ýygnady we «Oskar» baýragyna mynasyp boldy.
2016-njy ýylda çykan «Doriniň gözleginde» atly dowamy bolsa 1 milliard dollardan gowrak girdeji gazanypdy.
