Universal Pictures kompaniýasy geljekki çykaryljak filmleriniň tertibini üýtgetdi. Hususan-da, «Mumiýa» filminiň dördünji bölümi meýilleşdirileninden has ir ekrana çykar.
Film 2027-nji ýylyň 15-nji oktýabrynda dünýä prokatyna çykar. Mundan ozal premýera 2028-nji ýylyň 19-njy maýyna bellenilipdi.
Filme asyl trilogiýadan tomaşaçylara tanyş bolan Brendan Freýzer, Reýçel Waýs we Jon Hanna gatnaşar. Režissýorlar hökmünde Matt Bettinelli-Olpin we Taýler Jillett çykyş eder.
Sýužet barada giňişleýin maglumat häzirlikçe mälim edilmeýär.
Boşan senäni — 2028-nji ýylyň 19-njy maýyny — Maýkl B.Jordan we Ostin Batleriň gatnaşmagyndaky «Maýami polisiýasynyň» remeýki eýeledi. Onuň ýola goýujy režissýory hökmünde Jozef Kosinski görkezildi.
