Infinix kompaniýasy dünýäde ilkinji suw sowadyjy ulgamly GT 50 Pro smartfony bilen tanyşdyrdy.
Bellenilişi ýaly, şeýle çözgütler öň oýun enjamlarynda ulanylypdy, ýöne bu gezekki usul şahsy kompýuterleriň sowadyjy ulgamlarynyň işleýiş esasyna meňzeşdir.
Smartfon ulaldylan buglaýjy kamera we suwy enjamyň esasy bölekleriniň içinden aýlap, gyzgynlygy azaldýan mikrosorujyly suwuklyk ulgamy bilen üpjün edilen. Sorujynyň öndürijiligi minutda 6,5 millilitri düzýär. Suwuklygyň hereketini smartfonyň yzky panelindäki dury kanallaryň üsti bilen görüp bolýar.
Model MediaTek Dimensity 8400 Ultimate prosessory, 144 gers ýygylykly we 4500 nit ýagtylykly 6,78 dýuýmlyk ekran, şeýle-de 6500 mAs sygymly batareýa bilen enjamlaşdyrylan.
12/256 GB ýady bolan Infinix GT 50 Pro-ny 375 dollara, 12/512 GB ýatly enjamy bolsa 435 dollara satyn alyp bolar.
