Daniýaly alymlar täsin bir material – hrom-pirazin (Cr(pyrazine)₃) atly magnit oýlap tapdylar. Onuň adaty magnitlerden esasly tapawutly tarapy, özünde magnit güýji bar bolsa-da, daşyna hiç hili magnit meýdanyny ýaýratmaýanlygydyr.
Eger beýleki magnitler telefon ýa-da kompýuter ýaly enjamlaryň içindäki beýleki elektron böleklere täsir edip, olaryň işleýşine päsgel berýän bolsa, täze magnit ýapyk usulda işleýär we daşyna hiç hili täsir etmeýär. Şonuň üçin ony enjamlaryň içine hiç hili ünji etmän ýerleşdirip bolar.
Magnitiň kiçijek hem örän işjeňligi sebäpli elektron shemalarynda bir-birine örän ýakyn ýerleşdirip bolýar. Bu, ilkinji nobatda, enjamlaryň has çalt işläp, şol bir wagtda az energiýa sarp etmegine kömek eder. Magnit hatda otag temperaturasyndan ýokarda hem öz häsiýetini ýitirmeýär.
Alymlar bu materialyň düzümini himiki taýdan sazlap, ony dürli elektron enjamlara laýyklaşdyryp biljekdiklerini aýdýarlar. Häzirki wagtda bu tehnologiýa barlaghana şertlerinde öwrenilýär.
Täze görnüşli magnit geljekde biziň gündelik ulanýan tehnologiýalarymyzyň has kämilleşmegine uly goşant goşar diýlip garaşylýar.
