Ilon Mask ýokary hilli wideolary we suratlary döretmek üçin niýetlenen Grok Imagine emeli aň modeliniň täzelenen görnüşiniň işe girizilendigini resmi taýdan yglan etdi.
Täze wersiýanyň esasy gazanan üstünligi — dodaklaryň hereketiniň gepleşik bilen bökdençsiz sazlaşmagy we realistik sesleriň goşulmagydyr. Bu aýratynlyklar neýroulgam tarapyndan döredilen kadrlary hakyky düşürilen wideolardan tapawutsyz diýen ýaly edýär.
Täzelenmeler toplumyna şeýle hem wideorolikleri "akylly" usulda dowam etdirmek, statiki suratlary janlandyrmak we dürli elementleri bir sahnada birleşdirmek üçin niýetlenen guralar hem goşuldy.
Mundan ozal xAI kompaniýasy amaly gurallara gönükdirilen Grok 4.3 wersiýasyny çykarypdy, aprel aýynyň başynda bolsa neýroulgam gysga tekstli sargytlar esasynda kinematografik rolikleri döretmegi öwrenipdi.
Maskyň aýtmagyna görä, ulgamyň häzirki mümkinçilikleri birjigem hakyky kadr ulanmazdan, çylşyrymly wideomazmunlary döretmäge şert döredýär.
