23-nji aprelde Türkiýäniň parlamenti 15 ýaşyna ýetmedik çagalara sosial torlarda akkaunt açmagy gadagan edýän kanuny kabul etdi. Indi platformalar ýaşy anyklamagyň ygtybarly ulgamlaryny ornaşdyrmaga we ene-atalar üçin gözegçilik gurallaryny döretmäge borçludyr.
Rejep Taýyp Ärdoganyň partiýasy tarapyndan öňe sürlen bu başlangyç kämillik ýaşyna ýetmedikleriň sanly giňişlikdäki goragyny güýçlendirmäge gönükdirilendir.
Şeýle hem bu kanun tehnologiýa kompaniýalaryny zyýanly kontentleri çalt bozmaga borçlandyrýar. Ýagdaýa çalt jogap berilmedik halatynda gözegçilik ediji edara tarapyndan uly möçberde jerimeler salnar ýa-da şol platformalara garşy tehniki çäklendirmeler giriziler.
