Keniýaly ylgawçy Sebastýan Sawe Londonda geçirilen ýaryşda marafon aralygy boýunça täze dünýä rekordyny goýup, taryha girdi. Türgen dünýäde ilkinji bolup bu aralygy iki sagatdan az wagtda, ýagny 1 sagat 59 minut 30 sekuntda geçmegi başardy.
London marafonynda ikinji bolup pellehanany Efiopiýanyň wekili Ýomif Kejelça kesip geçdi. Ol ýeňijiden 11 sekunt yza galdy.
Şeýlelikde, Sawe we Kejelça resmi ýaryşlaryň çäklerinde marafon aralygyny iki sagatdan çalt ylgap geçen taryhda ilkinji adamlar boldy.
Belläp geçsek, mundan öňki dünýä rekordy 2023-nji ýylda Çikago marafonynda goýuldy. Şonda keniýaly Kelwin Kiptum bu aralygy 2 sagat 35 sekuntda ylgap geçipdi. 2024-nji ýylda Kiptum 24 ýaşynda awtoulag heläkçiliginde aradan çykdy.
