Türkmen režissýory Bekdurdy Amansaryýewiň «Günüň we Suwuň çagalary» atly dokumental filmi «Astana Eco Film Festival» kinofestiwalynda tomaşaçylaryň gyzyklanmasy boýunça ýörite baýraga mynasyp boldy. Bu çäre Gazagystanyň paýtagtynda «RES 2026 EXPO» sergisiniň çäklerinde geçirildi.
Kinofestiwalyň ýeňijilerini sylaglamak dabarasyna Türkmenistanyň daşky gurşawy goramak ministri Öwezgeldi Goşjanow gatnaşdy.
«Türkmenfilm» birleşigi tarapyndan öndürilen bu film türkmenleriň bürünç eýýamyndan şu günlere çenli suwdan peýdalanmak medeniýetini öwrenýär.
Türkmen filmi bilen bir hatarda, Azerbaýjanyň, Özbegistanyň, Gazagystanyň, Gyrgyzystanyň we Täjigistanyň kino ussatlarynyň işleri hem baýrakly orunlara mynasyp boldy.
Festiwalyň işewürlik maksatnamasynyň çäklerinde gatnaşyjylar Aral deňziniň möhüm meselelerini ara alyp maslahatlaşdy we suw çeşmelerini tygşytly ulanmak boýunça häzirkizaman çözgütleri tanyşdyrdy.
