Britaniýanyň «Oasis» rok-toparynyň esaslandyryjylarynyň biri Noel Gallaheriň gitarasy Nýu-Ýorkdaky Sotheby’s auksionynda 96 müň dollara satyldy. Bu barada «Bi-bi-si» habar berýär.
Sazanda «Epiphone EJ-200» akustiki gitarasyny 1995-nji ýylda çykan «(What’s the Story) Morning Glory?» albomynyň ýazylyşygynda ulanypdyr. «Sotheby’s» auksion öýi guralyň örän gowy ýagdaýdadygyny we onda sazandanyň golunyň bardygyny belledi.
«Oasis» topary 1991-nji ýylda doganlar Noel we Liam Gallaherler tarapyndan esaslandyryldy. Topar 2009-njy ýylda doganlaryň arasyndaky dawa sebäpli dargapdy. 2024-nji ýylda toparyň täzeden birleşýändigi mälim boldy. 2025-nji ýylda sazandalar «Live’25» ady bilen dünýä boýunça konsert syýahatyny geçirdi.
