Türkiýäniň Gran-prisi 2027-nji ýyldan başlap, azyndan bäş ýyl möhlet bilen ýene-de «Formula-1» çempionatynyň senenamasyna girer. Bu barada ýurduň Prezidentiniň administrasiýasy habar berdi.
Taslamanyň tanyşdyrylyşy 24-nji aprelde Stambulda geçirildi. Çäräniň çäklerinde «Formula-1» bolidi Türkiýäniň megapolisiniň köçelerinden geçdi.
«Türkiýäniň Gran-prisiniň “Formula-1-iň” senenamasyna dolanmagy — bu Türkiýäniň höwesiniň we onuň sporta bolan ynamynyň ýeňşi. Azyndan geljek bäş ýylyň dowamynda Istanbul Park ýolunda geçiriljek ýaryşlar Stambulyň dünýädäki ornuny berkider we ýurdumyzyň sebitde ygtybarly mekandygyny görkezer» – diýip, Türkiýäniň Prezidenti Rejep Taýyp Ärdogan belledi.
Çempionatyň tapgyrlary mundan ozal 2005–2011-nji ýyllarda, şeýle hem 2020-nji we 2021-nji ýyllarda Istanbul Park ýolunda geçirilipdi.
Ýaryşyň dolanmagynyň Türkiýä dünýäniň öňdebaryjy pilotlaryny we köp sanly janköýerleri çekmegine garaşylýar. Guramaçylaryň baha bermegine görä, bu ýagdaý Stambulyň syýahatçylyk taýdan özüne çekijiligini ýokarlandyrar we onuň halkara sport hem-de medeniýet merkezi hökmündäki statusyny berkider.
