Los-Anjelesde «Melgun Prada geýýär 2» (Дьявол носит Prada 2) filminiň ilkinji resmi görkezilişi geçirildi. Film 1-nji maýda prokata çykar.
Tanyşdyrylyş dabarasyna esasy rollary ýerine ýetiriji artistler Meril Strip, Enn Heteueý, Emili Blant we Stenli Tuççi gatnaşdy. Myhmanlaryň arasynda aýdymçy Ledi Gaga, model Haýdi Klum we filmiň režissýory Dewid Frenkel hem bar.
Filmiň dowamyndaky wakalar ýene-de Meril Stripiň ýerine ýetirmeginde «Podium» žurnalynyň ýolbaşçysy Miranda Pristliniň töwereginde ýaýbaňlanýar. Baş gahryman çap neşirleriniň täsiriniň peselmegi sebäpli kynçylyklar bilen ýüzbe-ýüz bolýar.
Şeýle-de, filmde Mirandanyň eýýäm moda pudagynda öz karýeralaryny guran öňki kömekçileri — Endi we Emili bilen özara gatnaşyklary görkezilýär.
Filmiň birinji bölümi 2006-njy ýylda ekrana çykypdy we geçen ýyllaryň dowamynda dünýä derejesinde meşhurlyk gazandy.
