Prinston uniwersitetiniň we Nebraska ştatynyň muzeý hünärmenleriniň gatnaşmagyndaky halkara alymlar topary Nanotirannusyň «Tirannozawr reksiň» (T. rex) ýaş wekili däl-de, eýsem, aýratyn görnüşli dinozawrdygyny tassykladylar.
Science žurnalynda çap edilen barlag işi, 1942-nji ýylda tapylan kelleçanagyň süňk gurluşyny öwrenmek arkaly paleontologlaryň köp ýyllyk jedellerine nokat goýdy.
Barlagyň esasy subutnamasy dilasty süňküň gistologiýasy boldy. Bu süňk, jandaryň arasan çykan wagtynda ýetişen ýa-da ýetişgenlik möwritine ýakyn bolandygyny görkezdi. Çaklamalara görä, nanotirannusyň uzynlygy takmynan 5,5 metr bolupdyr. Bu bolsa 12 metre ýetýän ululykdaky tirannozawryň uzynlygyndan iki esse kiçidir.
Mundan ozal, bu görnüşiň «T. rex-iň» ýaş nesli bolandygy çaklanylýardy, emma täze maglumatlar bu çaklamany doly inkär edýär.
Eksperimentiň takyklygyny üpjün etmek üçin, gazuw-agtaryşda tapylan süňkleriň gurluşy häzirki zaman haýwanlarynyň — düýeguşlaryň, alligatorlaryň we hažžyklaryň süňkleri bilen deňeşdirildi. Bu usul paleontologiýada täze ülňüň emele gelmegine itergi berip biler.
Görnüşi ýaly, bu açyş giçki hek eýýamynyň ekoulgamy baradaky düşünjämizi düýpgöter üýtgedýär. Şeýlelikde, indi bir gurşawda dürli agram derejesindäki ýyrtyjy haýwanlaryň bilelikde ýaşandygy subut edildi diýip aýtmak bolar.
