Pekin ýarym marafonunda «Ýyldyrym» atly doly awtonom ynsanpisint robot adamyň goýan rekordyndan has ýokary netije görkezip, taryha girdi. Bu waka robot tehnikalarynyň ösüşinde uly ädim boldy.
Robot 21,1 kilometrlik aralygy 50 minut 26 sekuntda geçmegi başardy. Bu boýunça adamyň görkezen wagty 56 minut 42 sekunt boldy.
Robot pellehana ýetip barýarka bökdençlige kaklyşdy. Ony ýola çykarmak üçin inženerler el kömegini bermeli boldular. Ýaryşa 12 müň türgen we 300-den gowrak dürli görnüşli robot (gumanoid we dört aýakly) gatnaşdy.
Iň çalt wagt görkezen «Jueying Chitu» roboty (48.19) uzakdan dolandyrylýandygy üçin oňa 1,2 koeffisiýentli jerime goşuldy. Şonuň netijesinde, onuň wagty 57.58-e çykdy we awtonom hereket eden «Şandýan» resmi taýdan birinji orny eýeledi.
Gatnaşan 100 toparyň 95-siniň hytaýlylardan ybaratdygy ýurduň bu pudakdaky öňdebaryjylygyna taý ýokdugyny görkezýär.
Bu ýylky robotlar zarýad çalşyrmak ýa-da sowatmak üçin «pit-stoplara» mätäç bolmadylar. Öňki ýyllarda munuň üçinem 10 minutlyk jerime berilýärdi.
Robotlaryň uly görkezijilere eýe bolýan şeýle sport bäsleşikleri geljekde howply işlerde we raýat pudaklarynda ulanylyp bilinjek tehnologiýalaryň synag meýdançasy bolup hyzmat edýär.
