Google we Gucci kompaniýalary "Gucci AI" atly "akylly" äýnekleri öndürmek boýunça hyzmatdaşlyk etmek kararyna geldiler. Enjamyň satuwa çykarylmagy 2027-nji ýyla meýilleşdirilýär.
Bu taslama Kering toparynyň (Gucci-niň eýesi) ýokary tehnologiýalar bazaryndaky ornuny giňeltmek strategiýasyny we Gucci-niň lýuks brendleriň arasynda emeli aňly aksessuarlary çykarmakda öňdeligi eýelemek höwesini görkezýär.
Enjamyň tehniki aýratynlyklary entek resmi taýdan mälim edilmedi. Şeýle-de bolsa, äýnekleriň kamera, mikrofon we dinamikler bilen enjamlaşdyrylmagyna hem-de Google-yň Android XR platformasy bilen utgaşdyrylmagyna garaşylýar.
Bu ädim bazarda eýýäm meşhurlyk gazanan Ray-Ban "akylly" äýnekleri bilen bäsleşmäge hem-de Gucci-niň satuw görkezijileriniň peselen döwründen soň, brendiň öňki abraýyny dikeltmäge kömek eder.
Bilermenleriň pikirine görä, tehnologiýa pudagyna aralaşmak brende moda tendensiýalarynyň üýtgeýänligine garamazdan, öz ornuny gorap saklamak üçin oňat mümkinçilikdir.
