Hindistanly işewür Gautam Adani Aziýanyň iň baý adamy diýlip ykrar edildi. Bloomberg-iň täze indeks maglumatlaryna görä, ol dünýäniň iň baý adamlarynyň sanawynda 19-njy orny eýeleýär.
Ýylyň başyndan bäri onuň baýlygy 8,1 milliard dollar artyp, jemi 92,6 milliard dollara ýetdi. Bu ösüş, esasanam, fond bazarlarynda onuň Adani Group holdinginiň gymmatly kagyzlarynyň bahasynyň ýokarlanmagy bilen baglanyşyklydyr.
Aziýanyň öňki baý adamy Mukeş Ambani bolsa ýylyň başyndan bäri 16,9 milliard dollar ýitirdi. Häzirki wagtda onuň baýlygy 90,8 milliard dollar diýlip bahalandyrylýar.
Gautam Adani öz iş karýerasyny ownuk dokma söwdasyndan başlapdy. Häzirki wagtda onuň Adani Group kompaniýalar topary Hindistandaky portlaryň iň iri operatory bolup, energetika we dag-magdan senagaty ýaly pudaklarda hem giň gerimli işleri alyp barýar.
