Ford konserni meşhur Nýurburgring ýolunda Ford Mustang GTD Competition ýörite wersiýasynyň täze rekord goýandygyny resmi taýdan yglan etdi.
Sürüji Dirk Mýulleriň dolandyrmagynda awtomobil doly aýlawy 6 minut 40,835 sekuntda tamamlady. Tehniki taýdan bu ulag häzirlikçe nusga derejesinde bolsa-da, ol bu aralykda ABŞ-nyň iň çalt ýol awtomobili statusyny özüne gaýtaryp almagy başardy.
Synaglaryň esasy maksady geçen ýyl 6 minut 49,275 sekunt netije görkezen Chevrolet Corvette ZR1X-iň görkezijisinden geçmekdi. Mustang-yň täze modifikasiýasy bu netijäni tas sekunt ýarym gowulandyrmagy başardy.
Competition wersiýasy adaty Mustang GTD modelinden 5,2 litrlik V8 hereketlendirijiniň güýjüniň artdyrylmagy (820 at güýjünden köp), aerodinamikasynyň kämilleşdirilmegi we magnit diskleri hem-de salonyň karbon elementleriniň hasabyna agramynyň azaldylmagy bilen tapawutlanýar.
Kompaniýa GTD Competition modelini çäkli mukdarda erkin satyşa çykarmagy meýilleşdirýär, şundan soň rekord seriýaly ulaglar üçin doly resmi derejä eýe bolar.
Şu aýyň başynda Ford şeýle-de Ford GT superkarynyň üstünligini hasaba alypdy. Ol ýoly 6 minut 16 sekuntdan az wagtda geçip, Nýurburgringde amerikan ýangyçly awtomobilleriniň arasynda absolýut lider boldy.
