Warner Bros. kompaniýasy «Tagtlaryň oýny» (Game of Thrones / Игра престолов) älemi boýunça ilkinji doly metražly filmiň üstünde işlenip başlanandygyny resmi taýdan yglan etdi. Variety neşiriniň habar bermegine görä, taslamanyň iş ady — «Tagtlaryň oýny: Eýgonyň tabynlygynda».
Taslama barada CinemaCon maslahatynyň çäklerinde studiýanyň geçiren tanyşdyryş dabarasynda mälim edildi. Film kompaniýanyň uzak möhletleýin strategiýasyna girizildi we onuň ekranlara çykjak wagty 2027-nji ýyldan ir bolmaz diýlip meýilleşdirilýär. Iş barşynda filmiň ady üýtgäp biler.
Ssenarini «Kartdan jaý» (Карточный домик) serialy bilen tanalýan Bo Uillimon ýazýar. Taslamanyň taýýarlyk işleri barada ilkinji gezek mart aýynda habar berlipdi.
Filmdäki wakalar asyl serialdan üç asyr ozalky döwri öz içine alýar. Sýužetiň merkezinde aždarhalary bolan Targariýenler nesilşalygynyň häkimiýet başyna gelşi we onuň Westerosda öz gözegçiligini ýola goýşy barada gürrüň berilýär.
Bu taryhy waka Jorj R.R.Martiniň nesilşalygyň kemala gelmegi barada ýazylan «Ot we gan» kitabyna esaslanýar.
