Netflix striming hyzmaty Roald Dalyň eserleriniň esasynda döredilen «Çarli şokolad fabrigine garşy» («Чарли против шоколадной фабрики») atly täze animasion filmini tanyşdyrdy. Bu barada Variety neşiri habar berýär.
Bu multfilm Willi Wonka baradaky hekaýanyň özboluşly dowamy bolar. Wakalar biziň döwrümizde, häzirki zaman Londonda bolup geçýär. Baş gahrymanlara ses bermek işine Taýka Waýtiti we Kit Konnor çekildi.
Sýužet çaganyň mawy golubika öwrülmegi bilen bagly bolan hadysadan soň tussaglykdan çykan Willi Wonkanyň (Taýka Waýtiti) töwereginde bolup geçýär. Ol öz fabrigine dolanyp gelip, dünýäni ýene-de süýjülikler bilen begendirmegi arzuw edýär, emma ýetginjek Çarli Peýli (Kit Konnor) we onuň dostlarynyň garşylygyna duş gelýär. Ýaşlar öz öýleriniň ýykylmagyndan halas etmek üçin, gymmatbaha şokolady ogurlamak maksady bilen kärhananyň içine ogrynlyk bilen girmegi meýilleşdirýärler.
Taslamanyň režissýorlygyny Jared Stern we Eleýn Bogan öz üstüne aldylar. Taýka Waýtiti bolsa şol bir wagtyň özünde ýerine ýetiriji prodýuser bolup çykyş edýär. Bu taslama Netflix-iň 2021-nji ýylda Roald Dalyň eserleriniň hukuklaryny satyn almagy baradaky eksklýuziw ylalaşygyň çäginde durmuşa geçirilýär.
Mundan ozal bu älemde «Ekizler» (Близнецы) we «Genri Şugaryň täsin hekaýasy» (Чудесная история Генри Шугара) ýaly işler ekrana çykypdy. Franşizanyň ösüşiniň indiki tapgyry bolsa «Altyn bilet» (Золотой билет) atly bäsleşik şüweleňiniň goýberilmegi bolar.
