Haber7 portaly Stambuluň Ýyldyz tehniki uniwersitetiniň alymlary tarapyndan hirurgiýa operasiýalaryň howpsuzlygyny ýokarlandyrmaga mümkinçilik berýän «akylly şprisiň» oýlap tapylandygyny habar berdi.
Bu enjam adatça el bilen ýerine ýetirilýän dokumalara täsir etmek işini awtomatlaşdyrýar. Ulgam basyş datçigi we kamera bilen üpjün edilip, ol lukmana operasiýa gidip duran wagtynda dokumalaryň ýagdaýyny hem gözegçilikde saklamaga mümkinçilik berýär.
Taslamany Mehatronika kafedrasynyň mugallymlary Jüneýt Ýylmaz we Wasfi Emre Ömürlü hödürlediler. Enjam eýýäm Türkiýäniň Patent we haryt nyşanlary edarasy tarapyndan «peýdaly model» hökmünde resmi hasaba alyndy.
– Bizň enjamymyzyň adaty gurallardan esasy tapawudy, endoskopik kameraly we basyş datçikli kontrolýor bilen enjamlaşdyrylandygydyr – diýip, Ýylmaz belleýär.
Döredijileriň aýtmagyna görä, bu tehnologiýa dokumalaryň zeperlenme howpuny peseldýär we lukmançylyk amallaryny has dürs ýerine ýetirmäge kömek edýär. Geljekde şeýle enjamlaryň ulanylmagy operasiýalaryň netijesinde ýüze çykyp biljek gaýraüzülmeleriň sanyny azaltmaga ýardam berer.
