Alymlar kaşalotlaryň sesleriniň adamyň diline meňzeş gurluşa eýedigini anykladylar. Bu barlagyň netijeleri Proceedings of the Royal Society B ylmy žurnalynda çap edildi.
Kaşalotlar kodalar diýlip atlandyrylýan gysga jyrkyldylar arkaly aragatnaşyk saklaýarlar. Seljermeler olaryň sesleri dowamlylygyna we belentligine görä tapawutlandyryp bilýändigini, adam dilindäki çekimli sesleri ýada salýan gurluşlary emele getirýändigini görkezdi.
Barlagçylaryň maglumatlaryna görä, şeýle ulgam adam dilleriniň fonetikasy we fonologiýasy bilen meňzeşliklere eýedir.
Bu barlag Dominikanyň kenarlaryndaky kitleriň özara aragatnaşygyny öwrenýän CETI (Cetacean Translation Initiative) taslamasynyň çäginde geçirildi.
1950-nji ýyllara çenli alymlar kaşalotlar ses çykarýandyr diýip güman hem etmeýärdiler, ýöne häzirki zaman tehnologiýalary, şol sanda emeli aň, olaryň dilini seljermäge we hatda aýdyňlaşdyrmaga hem kömek edýär. Kaşalotlaryň diliniň çylşyrymlylygy alymlaryň totyguşlar we piller ýaly beýleki jandarlarda öwrenen ähli zatlaryndan has ýokarydyr.
Alymlar kaşalotlaryň nesilleriň arasynda maglumat geçirip bilýändigini belleýärler.
Geljek ýyllarda barlagçylar haýwanlaryň hereketleri bilen baglanyşykly aýratyn ses yşaratlaryny tanamagy öwrenmäge umyt edýärler.
