Amerikaly aýdymçy Lana Del Reý Jeýms Bond hakyndaky franşiza esaslanýan "007: First Light" wideo oýnunyň esasy aýdymyny ýazdy diýip, Radio Times habar berdi.
Bu kompozisiýa Bond hakyndaky filmleriniň bäşisiniň sazyny ýazan kompozitor Dewid Arnold bilen hyzmatdaşlykda ýazgy edildi. Trek "First Light" diýlip atlandyryldy we onda agent 007 hakyndaky filmleriň nusgawy temasynyň äheňleri bar.
"Ady agzalýan aýdym bize bosagasynda duran dünýämiz - gyzykly, tolgundyryjy we özüne çekiji dünýä barada gürrüň bermeli. Bu aýdym žanrlary kesgitleýän aýdymlar bilen bir hatarda durýar, olaryň her biri stil üçin ölçeg döredýär we "Bond hakyndaky aýdymlaryň" ajaýyp mirasynyň üstüni ýetirýär" diýip, Arnold belledi.
Oýun IO Interactive we Amazon MGM Studios tarapyndan işlenip düzülýär. Işläp düzüjiler taslamanyň Jeýms Bonduň gelip çykyşynyň asyl taryhyny hödürlejekdigini öňe sürýärler.
Bu ýordum 26 ýaşly Bonduň karýerasynyň başynda başdan geçirýän wakalary barada gürrüň berýär. Patrik Gibson bu keşbe ses berer we janlandyrar. Beýleki keşpler Lenni Krawisiň, Priýanka Berfordyň, Lenni Jeýmsiň, Kira Lesteriň, Alaster Makkenziniň, Jemma Çanyň we Noemi Nakaýyň keşplerine esaslanýar.
Oýnuň 27-nji maýda çykarylmagyna garaşylýar.
