Italiýanyň hökümeti Messin bogazyndan geçýän, esasy aralygy rekord derejeli 3,2 kilometr uzynlykdaky asma köprüniň gurluşyk taslamasyny resmi taýdan tassyklady.
Umumy bahasy 16 milliard dollara barabar bolan gurluşyk işlerine şu ýyl badalga berler. Bu ägirt uly desga 2033-nji ýyla çenli Sisiliýa adasyny ýurduň materik bölegi bilen birleşdirer.
Messin köprüsi Türkiýedäki meşhur «Çanakkale» köprüsinden hem geçip, Günbatar sebitiň iň iri infrastruktura desgasyna öwrüler.
Köprüniň beýikligi 399 metre ýetýän iki sany sütünine daýanýar. Bu bolsa deňziň içinde goşmaça diregleri gurmazdan iş ýöretmäge mümkinçilik berýär. Şeýle-de ol ýerde awtoulaglar üçin alty sany zolak we otly gatnawy üçin iki sany demir ýol şahasy bolar.
Italiýanyň ulag ministri Matteo Salwini we Webuild kompaniýasynyň ýolbaşçysy Pýetro Salini bu desganyň trans-ýewropa ulag ulgamyny tamamlamaga kömek etjekdigini bellediler. Şol bir wagtda bu taslamanyň Italiýanyň günorta sebitleriniň ykdysady taýdan ösmegine uly itergi berjekdigine-de umyt edilýär.
