Blue Origin kompaniýasy elektrik togynyň kömegi bilen Aýyň tozundan (topragyndan) kislorod alyp bilýän reaktoryň döredilendigini habar berdi. Bu barada The Telegraph neşiri ýazýar.
Kompaniýanyň maglumatlaryna görä, Aý tozanynyň ýarysyna golaýy kisloroddan ybaratdyr. Ony kosmonawtlaryň dem almagy üçin, şeýle hem raketa ýangyjynyň düzüm bölegi hökmünde ulanmak meýilleşdirilýär. Kislorody Ýerden eltmek örän çylşyrymly we gymmat düşýändigi sebäpli, onuň göni şol ýerde öndürilmegi Aýda uzak wagtlap galmak üçin möhüm ädim hasaplanylýar.
Tehnologiýa elektroliz usulyna esaslanýar. Aýyň tozy takmynan 1600°C gyzgynlyga çenli gyzdyrylýar, soňra bolsa onuň içinden elektrik togy geçirilýär. Netijede, kislorod we metallar – demir, alýumin hem-de kremniý bölünip aýrylýar. Alnan kislorod ýaşaýyş we energetika ulgamlary üçin ýaramly. Bu işläp taýýarlama NASA-nyň 35 million dollar bölüp beren «Blue Alchemist» taslamasynyň bir bölegidir. Agentlik, şeýle hem «Apollon» missiýalary tarapyndan getirilen Aý tozanynyň nusgasyny-da berdi.
