ABŞ-nyň kinoteatr eýeleri Holliwudyň 2026-njy ýylda iň köp girdeji gazanjak aktýorlarynyň atlaryny aýtdylar.
Reýtinge aşakdaky aktýorlar girdi:
- Leonardo DiKaprio
- Bred Pitt
- Raýan Gosling
- Margo Robbi
- Timoti Şalame
- Tom Holland
- Zendeýa
- Ostin Batler
DiKaprio geçen ýyl "Söweş yzyna göreş" filminde baş keşbi janlandyrdy. Film 212 million dollar girdeji gazandy, býujetini ödäp bilmedi, ýöne alty sany “Oskar” baýragyny gazandy.
Pitt garaşylmadyk ýagdaýda uly üstünlige eýe bolan we kassa ýygymynda 634 million dollar girdeji gazanan "Formula 1" filminde baş keşbi janlandyrdy.
Raýan Goslingiň baş keşbi janlandyran "“Ahyrzaman” taslamasy" filminiň dünýädäki kassa ýygymy şu hepde 500 million dollara ýetdi. Onuň "Barbi" filmindäki ýoldaşy Margo Robbi ýakynda 240 million dollar girdeji gazanan "Tupanly geçit" filminiň adaptasiýasynda peýda boldy.
Zendeýa şu ýyl dört taslamada surata düşdi: "Drama" (häzirki wagtda kinoteatrlarda), "Odisseýa", "Möý adam: Düýbünden täze gün" we "Alaň: 3-nji bölüm". Tom Holland "Odisseýa" we täze "Möý adam" filmlerinde baş keşbi janlandyrar, Timoti Şalame bolsa "Alaň" filminde baş keşbi janlandyrar.
Ostin Batler "Maýaminiň polisiýalary" remeýkinde surata düşmäge taýýarlanýar.
