Fransiýa özüniň sanly özygtyýarlylygyny berkitmek maksady bilen, Windows operasion ulgamyndan we Ýewropa Bileleşiginiň çäginden daşarda döredilen beýleki tehnologiýalardan el çekmäge taýýarlanýar. Bu barada ýurduň sanly strategiýasyna degişli döwlet portaly we DINUM dolanşygy habar berýär.
Häzirki wagtda DINUM dolanşygy ähli döwlet edaralarynyň iş proseslerinde Windows-dan Linux operasion ulgamyna geçiljekdigini yglan etdi. Täze ädim daşarky tehnologiýa üpjünçilerine bolan garaşlylygy azaltmaga kömek eder.
Bu uly özgerişligi şu ýylyň güýzünde durmuşa geçirmek meýilleşdirilýär. Oňa çenli hünärmenler «Haýsy kompýuterler ulanmaly?», «Bilelikde işlemek üçin haýsy gurallar we antiwirus çözgütleri saýlanar?», «Emeli aň ulgamlary we maglumatlar bazalary nähili bolar?» ýaly soraglar boýunça gutarnykly çözgüt tapmaly bolarlar.
Bu başlangyjy Fransiýanyň Kiberhowpsuzlyk boýunça milli agentligi (ANSSI), Döwlet satyn almalary müdirligi we beýleki iri döwlet edaralary goldady.
