Ekologlaryň halkara topary 11 müňden gowrak deňiz guşunyň gan maglumatlaryny öwrenmegiň esasynda dünýä ummanlarynda zäherli simap birleşmeleriniň ýaýramagynyň detallaýyn kartasyny düzdi. Bu barada Nagoýa uniwersitetiniň metbugat gullugyna salgylanýan TASS habar berýär.
Guşlary janly biosensor hökmünde ulanmak, kompýuter modelleşdirişine garanyňda, has ygtybarly empirik maglumatlary berdi. Bu barlag planetanyň Arktikadyr Antarktidany hem öz içine alýan ähli sebitlerinden guşlaryň 108 görnüşine degişli boldy.
Netijeler iň ýokary simap konsentrasiýasynyň 200 metrden 1000 metre çenli çuňlukdaky deňiz jandarlarynda, şeýle hem Demirgazyk Atlantikada we Ýuwaş ummanynyň aram giňişliklerinde syn edilendigini görkezdi. Aýratynam, albatrosslar we burewestnikler hapalanmaga has ejiz bolup çykdy.
Alymlar şeýle gözegçilikleriň Minamata Konwensiýasynyň durmuşa geçirilmegi üçin möhümdigini nygtaýarlar, sebäbi simap örän zäherli we haýwanlaryň iýmit zynjyrynyň ýokarky bölegindäki organlarda toplanýar.
