Ýapon alymlarynyň topary ALMA teleskopynyň kömegi bilen Öküzçe molekulýar buludynda (MC 27/L1521F) protoýyldyzyň töwereginde uly gaz halkasyny tapdylar diýip, Astrophysical Journal Letters neşiri habar berýär.
Takmynan 1000 a.b. ölçegli gurluş töweregindäki gurşawdan ep-esli ýyly bolup çykdy, bu bolsa alymlara ýyldyzlaryň emele gelşiniň irki tapgyrlaryndaky prosesler barada täze maglumatlar berdi.
Barlagyň awtorlarynyň pikirine görä, halka proto ýyldyzlar diskiniň içinden geçýän magnit meýdanlarynyň täsiri astynda emele gelýär.
Mundan öň, Kazuki Tokudanyň ýolbaşçylygyndaky alymlar agzalan obýektde ýyldyzyň öz artykmaç energiýasyny çykarýan "tüsseçykar" turbasyna meňzeş gurluşlary tapdylar.
Täze maglumatlar ýaş ýyldyzlaryň gazlaryň dinamiki gaýtadan paýlanyş tapgyryndan geçip, daş-töweregindäki maddalary gyzdyrýan zarba tolkunlaryny döredýändigini tassyklaýar.
ALMA teleskopyndaky 66 antennany ulanmaklyk millimetrlik diapazonda dykyz tozan bulutlarynyň arasyndan seretmäge mümkinçilik berdi. Ýokary takyklykdaky maglumatlar astrofiziklere ýyldyzlaryň ewolýusiýasynyň bar bolan modellerini kämilleşdirmäge kömek eder.
Alymlar şeýle halka gurluşlarynyň Älemde nähili ýaýrandygyny kesgitlemek üçin maglumat ýygnamagy dowam etdirmegi meýilleşdirýärler.
