Moskwada ikinji tramwaý diametri (T2) ulanylyşa girizildi, ol şeýle görnüşdäki ugurlaryň arasynda iň uzyny boldy. Paýtagtyň häkiminiň saýtynda habar berlişi ýaly, onuň uzynlygy 33 kilometre barabar.
Täze ugruň döredilmegi bilen №3 we №37 tramwaýlaryň gatnawlary, şeýle hem Akademik Saharow şaýolundaky täze bölek birleşdirildi. Ol şäheriň 13 raýonyny biri-biri bilen baglanyşdyryp, iki milliondan gowrak ýaşaýjy üçin ulag hyzmatyny gowulandyrdy.
Ýolagçylar dört sany demir ýol menziline, 31 sany metro stansiýasyna, şeýle hem MMH we MMD liniýalaryna baryp biler. Ugruň dowamynda 79 sany duralga göz öňünde tutulan bolup, ýol wagty 140 minut töweregidir.
Tramwaýlar her alty minutdan, merkezi bölekde bolsa her üç minutdan gatnar.
Bu ugurda «Witýaz-Moskwa» we «Lwýonok-Moskwa» modellerinden bolan 51 sany döwrebap tramwaý hyzmat eder. Olar ýoluň bir bölegini simsiz, ýygnanan energiýany ulanmak arkaly geçer.
Täze ugur boýunça ýolagçy sanynyň ep-esli artmagyna garaşylýar.
