Disney kompaniýasy işgärleriň sanyny köpçülikleýin azaltmagy meýilleşdirýär. Bu barada «The Wall Street Journal» neşiri habar berýär.
Neşiriň maglumatyna görä, işden çykarmalaryň esasy bölegi birleşdirilen marketing bölümine degişli bolar. Bu çäreler çykdajylary optimizirlemegiň we kompaniýanyň içindäki özara gatnaşyklary gowulandyrmak synanyşygynyň bir bölegi hökmünde görülýär.
Häzirki wagtda Disney kompaniýasynda 231 müňe golaý adam işleýär. Işgärleriň ep-esli bölegi harytlary öndürmek we dynç alyş seýilgählerini dolandyrmak ulgamynda zähmet çekýär.
Üýtgedip gurmak işleri mundan ozal Bob Aýgeriň ýolbaşçylygynda başlanypdy we şonda 8 müňe golaý işgär boşadylypdy. Iş orunlaryny azaltmagyň täze tapgyrynyň has giň gerimli bolmagyna garaşylýar.
Kompaniýanyň bu çözgüdine dynç alyş ulgamyndaky ýagdaýlar täsir edýär. Striming hyzmatlarynyň meşhurlygynyň artmagy bilen kompaniýanyň girdejileri azalýar. Disney tygşytlanan serişdeleri sanly platformalary ösdürmäge gönükdirmegi meýilleşdirýär.
