10-njy aprelde Türkmenistanyň daşary işler ministriniň orunbasary Mähri Bäşimowa bilen ÝUNESKO-nyň Almatydaky Sebitleýin edarasynyň direktory Amir Piriçiň arasynda wideoaragatnaşyk arkaly duşuşyk geçirildi. Bu barada Türkmenistanyň DIM-i habar berýär.
Taraplar hyzmatdaşlygyň häzirki ýagdaýyny we geljegini maslahatlaşdy. ÝUNESKO bilen özara gatnaşyklaryň Türkmenistanyň halkara ynsanperwer hyzmatdaşlygynyň möhüm bölegi bolup galýandygy bellenildi.
Medeni gepleşikleri ösdürmek we guramanyň işiniň esasy ugurlary boýunça bilelikdäki taslamalary durmuşa geçirmek meselelerine aýratyn üns berildi.
Şeýle hem ozal teklip edilen başlangyçlar we olary iş ýüzünde mundan beýläk-de ilerletmegiň usullary gözden geçirildi.
Mundan başga-da, ÝUNESKO-nyň Almatydaky Sebitleýin edarasynyň taslamalary milli we sebit derejesinde durmuşa geçirmekdäki utgaşdyryjy orny aýratyn bellenildi.
