Fransiýanyň Grets-Armanwilýe şäherinde türkmen sungat ussatlarynyň konserti boldy. Bu çäre Türkmenistanyň ilçihanasy tarapyndan degişli ministrlik bilen bilelikde guraldy.
Dabarada ilçi Maksat Çaryýew çykyş edip, medeniýetiň halklaryň arasyndaky dostlukly gatnaşyklary berkitmekdäki ähmiýetini belledi hem-de goldawlary üçin şäheriň ýolbaşçylaryna we «Fransiýa–Türkmenistan» assosiasiýasyna minnetdarlyk bildirdi.
Dabaranyň dowamynda türkmen halkynyň däp bolan sungatyny görkezýän bagşylaryň we sazandalaryň çykyşlaryna giň orun berildi. Şeýle hem myhmanlar amaly-haşam sungatynyň eserleri, türkmen halylary we Gurbanguly Berdimuhamedowyň kitaplary bilen tanyşdyrýan sergä aýlandy. Sergide ahalteke bedewleri bilen bagly mowzuga aýratyn üns berildi. Olary seýislemek sungaty ÝUNESKO-nyň sanawyna girizilipdi.
Dabaraly çäre milli tagamlaryň hödür edilmegi bilen tamamlandy.
