Berlinde gurulýan ilkinji 167 metrlik gökdirän ýaşaýyş jaýynyň gurluşygy gum hažžyklaryny, samyrlary we ýarganatlary goramak zerurlygy sebäpli yza süýşürilýär diýip Bild gazeti habar berýär.
Synçylaryň anyklamagyna görä, 1000 öýli bu belent bina gorag astyndaky hažžyklaryň ýaşaýan ýeriniň (1300 inedördül metrden gowrak meýdanyň) üstüne kölege salar. Bu bolsa ýylylygy söýýän jandarlar üçin örän howpludyr.
Gurluşygy dowam etdirmek üçin potratçy ýörite germewleri oturtmaly we hažžyklar üçin çägeli täze meýdançalary döretmeli bolar.
Ýarganatlary goramak üçin bolsa gurluşyk kranlaryna agşam hereket etmek gadagan edildi. Şeýle-de, gurluşyk meýdançasyna samyrlar girmez ýaly, ol ýer gije-gündiz goralar.
Elbetde ekologiýa kadalary tebigy dürlüligi saklamagy talap edýär. Ýöne şol bir wagtda, käbir syýasatçylar jaý tölegleriniň gymmatlaýandygyny aýdyp, haýwanlardan öň adamlary öý-öwzarly etmek meselesine üns bermäge çagyrýarlar.
