Ýaponiýaly alymlaryň topary kremniý nanosferaly ýörite boýaglary ulanyp, gurluşly reňkler bilen çap etmek usulyny işläp düzdi. Bu tehnologiýa Advanced Materials žurnalynda beýan edildi.
Wagtyň geçmegi bilen reňki solýan däp bolan pigmentlerden tapawutlylykda, gurluş reňki mikroskopiki obýektler arkaly ýagtylygyň döwülmegine esaslanýar, bu bolsa şeýle suratlaryň uzak wagtlap saklanmagyna we saglyga zyýansyz bolmagyna mümkinçilik berýär.
Bu tehnologiýa kremniý dioksidinden edilen gorag gabygy bilen örtülen, ölçegi 100-den 200 nanometre çenli bolan sferalary ulanyp, plastigiň we metalyň ýüzüne ýokary çözgütli çap etmäge mümkinçilik berýär. Bu syýalaryň esasy aýratynlygy olaryň ýagtylyk bilen özara täsirleşmesidir (Mi ýaýramasy): PET plýonkasyndaky suratlar ýagtylygyň burçuna baglylykda dürli görnüşde görünýär.
Fizikler bu işläp düzmäni energiýa sarp etmezden maglumat panellerini döretmekde, şeýle hem resminamalary we harytlary galplaşdyrmakdan goramagyň döwrebap tehnologiýalarynda ulanyp bolar diýip çaklaýarlar.
