Wideo oýun pudagy, kino we saz sungaty Sony korporasiýasynyň esasy ösüş güýjüne öwrüldi. Häzirki wagtda bu ugurlar kompaniýanyň umumy girdejisiniň 60%-inden gowragyny üpjün edýär (on ýyl ozal bu görkeziji bary-ýogy 30% bolupdy). Emma iň gyzykly tarapy, kompaniýanyň baş direktory Hiroki Totoki wideo oýunlaryň muşdagy däldigini, oňa derek seriallary we sazy, aýratyn-da «Oasis» toparyny gowy görýändigini boýun aldy.
Bu uly öwrülişik 2013-nji ýylyň çökgünligiden soň başlandy. Koreýaly we hytaýly bäsdeşleriň gysmagy netijesinde, Sony öz işini üýtgetmeli boldy. Kompaniýa bahalary arzanlatmak üçin köpçülikleýin önüm öndürmekden ýüz öwrüp, käbir önüm ugurlaryny, şol sanda «Bravia» telewizor nusgasyny TCL kompaniýasy bilen hyzmatdaşlyga geçirdi.
Hernä kompaniýanyň uly mukdardaky maýa goýumlary özüni ödedi. Indi girdejiniň iň uly bölegi PlayStation brendinden gelýär. Şoňa görä, Sony bu platformany oýunçylar üçin «iň gowy ýer», neşirçiler üçin bolsa «iň amatly meýdança» etmegi maksat edinýär.
Totoki oýunlardan başga-da, ogryn nusgalara (piratçylyga) garşy göreşýän Crunchyroll anime hyzmatynyň üstünligini we saz kataloglaryndan gelýän mazaly girdejini hem belläp geçdi.
Garaz, ýolbaşçysynyň şahsy gyzyklanmalary başgaça bolsa-da, Sony strategik taýdan dynç alyş we göwün açyş pudagyndaky ornuny berkitmegini dowam etdirýär.
