The Strong National Museum of Play muzeýi 2026-njy ýylda Bütindünýä wideooýunlar şöhrat zalyna goşulan oýunlary yglan etdi. Bu ýyl dört sany meşhur taslama — Angry Birds (2009), Silent Hill (1999), FIFA International Soccer (1993) we Dragon Quest (1986) aýratyn bellenildi.
Şeýle hem 2026-njy ýylyň dalaşgärleriniň gysga sanawyna Frogger, Galaga, League of Legends, Mega Man, PaRappa the Rapper, RuneScape, The Elder Scrolls V: Skyrim we Tokimeki Memorial ýaly oýunlar giripdi.
Täze laureatlar muzeýiň ekspozisiýasynda öňden bar bolan Minecraft, Tetris, World of Warcraft, Grand Theft Auto III, The Last of Us, Quake, Resident Evil, Myst, SimCity we «Tamagoçi» ýaly ykrar edilen oýunlaryň hataryna goşuldy.
Bütindünýä wideooýunlar şöhrat zaly 2015-nji ýyldan bäri hereket edýär. Her ýyl oňa oýun pudagyna, köpçülikleýin medeniýete we oýunçylaryň birnäçe nesline uly täsirini ýetiren taslamalar girizilýär.
Laureatlar saýlanyp alnan wagty oýnuň meşhurlygy, tanalmagy, uzak ömürliligi we pudagyň ösmegine ýetiren täsiri ýaly ölçegler göz öňünde tutulýar.
