Halkara futbol federasiýasynyň (FIFA) prezidenti Janni Infantinonyň 2025-nji ýyldaky gazanjy salgytlar tölenmezden ozal 4,8 million şweýsar frankyna (takmynan 5,2 million ýewro) deň boldy diýip, «RIA Nowosti» agentligi guramanyň resminamalaryna salgylanyp habar berýär.
Bu möçber 2,6 million frank möçberinde esasy zähmet hakyny we 2,2 million frank möçberinde bonuslary öz içine alýar. Bu görkezijiler geçen ýyldaky degişli sanlardan ýokarydyr.
Şeýle hem hasabatda baş sekretar Mattias Grafstrýomyň girdejileri görkezilýär. Olar 2,4 million franka deň boldy.
Düzgünnama laýyklykda, federasiýanyň wise-prezidentleriniň her biri 300 müň dollar, geňeşiň agzalary bolsa 250 müň dollar möçberinde öwez töleglerini aldy.
2016-njy ýyldan bäri federasiýa ýolbaşçylyk edýän 56 ýaşly Infantino bu maglumatlary 30-njy aprelde Wankuwerde geçiriljek FIFA-nyň kongresinde hödürlemäge taýýarlanýar.
