BMW kompaniýasy 8-nji seriýaly awtoulaglarynyň önümçiligini şu ýylyň aprelinde bes eder. Bu barada kompaniýanyň beýanatyna salgylanýan CarBuzz neşiri habar berýär.
Bu karar modeliň standart ömrüniň ahyrlandygy bilen düşündirilýär. Awtoulag öň brendiň resmi web sahypasyndaky konfiguratordan ýitipdi. 8-nji seriýa baradaky salgylanmalar BMW-niň ABŞ-daky we Germaniýadaky web sahypalarynda hem ýok. Model soňky täzelenmesini 2022-nji ýylda alypdy.
Seriýanyň önümçiliginiň togtadylmagy tapgyrlaýyn bolup geçdi. M wersiýalary — kupe, kabriolet we Gran Coupe iň uzak wagtlap önümçilikde galdy. Soňky modifikasiýa özboluşly stili bilen tapawutlanýan ýörite M850i Edition M Heritage boldy.
Ol geçen ýylyň ortalarynda görkezilipdi we eltip bermelere 2026-njy ýylyň başynda başlanmak meýilleşdirilipdi. Sany 500 birlik bilen çäklendirilen we olaryň önümçiligi tamamlanyp barýar diýlip habar berilýär.
8-nji seriýanyň mümkin bolan mirasdüşeri barada heniz resmi maglumat ýok.
