Şazada Garri we Megan Markl Netflix platformasy üçin ýokary gatlagyň durmuşy hem-de polo oýny barada çeper film dörederler. Bu barada Deadline neşiri habar berýär.
Filmde gündelik durmuşda we sport meýdançasynda biri-biri bilen bäsleşýän iki sany bäsdeş maşgala barada gürrüň berilýär. Wakalar Floridadaky atçylyk şäheri Wellingtonda bolup geçýär.
Taslama bilen gersog we gersoginiýa Sasseksliler tarapyndan esaslandyrylan Archewell Productions kompaniýasy, şeýle-de Joş Şwarsyň we Stefani Sewijiň Fake Empire studiýasy meşgullanar. Edebi esasyny ozal «Çaý bulgury» («Чайная чашка») serialynda işlän Fransiska Hu ýazar. Ol Garri, Megan, Şwars we Sewij bilen bilelikde ýerine ýetiriji prodýuseriň işini-de edýär.
Çaklamalara görä, filmi döretmek pikiri Garri bilen Meganyň ABŞ-nyň açyk çempionatynyň gatnaşyjylaryna bagyşlap taýýarlan «Polo» atly dokumental serialynyň üstünde işleýän wagty ýüze çykypdyr. Olar Netflix üçin beýleki taslamalaryň, şol sanda Žasmin Gilloriniň kitaby esasynda «Toý sähedi» («Свадебная дата») we Karli Forçunyň «Kölüň boýunda duşuşarys» («Встретимся у озера») atly romanyny ekranlaşdyrylmagyň üstünde hem işleýärler.
Ozal Netflix Megan Marklyň As Ever brendi bilen hyzmatdaşlygy bes edipdi. Häzirki wagtda Megan öý harytlary bilen bagly şahsy biznesini ösdürýär.
