Hytaýda smartfon dünýäsinde uly seslenme döreden Vivo X300 Ultra satuwa çykaryldy. Bu enjam taryhda ilkinji gezek iki sany 200 megapikselli kamera bilen enjamlaşdyrylan smartfondyr.
Smartfon ýadynyň göwrümine görä dört dürli bahadan hödürlenýär:
- 12/256 GB (1010 dollar);
- 12/512 GB (1085 dollar);
- 16/512 GB (1160 dollar);
- 16 GB / 1 TB: (1300 dollar).
Smartfonyň professional derejeli suratlary düşürip bilmegi onuň esasy artykmaçlygydyr. Enjamda Sony tarapyndan ýasalan uly göwrümli Lytia 901 sensory bar. Ikinji 200 MP kamera Samsung ISOCELL HP0 sensory bolup, ol uzakdaky zatlary golaýlaşdyrmak (teleobýektiw) üçin niýetlenendir.
Mundan başga-da, onuň 50 megapikselli ýene bir kamerasy bar.
Smartfon iň täze we iň güýçli Snapdragon 8 Elite Gen5 çipi arkaly işleýär. Batareýasy göwrümi örän uly – 6600 mAch. 100 Wt simli we 40 Wt simsiz çalt zarýad beriş ulgamy bilen üpjün edilen.
Smartfon güýçlidigi bilen birlikde, diýseň dunuklydygy bilenem tapawutlanýar. Ol suwdan we tozandan iň ýokary derejede–IP69 standarty bilen goralan.
Gyzykly ýeri, enjamyň iň gymmat (1 TB) görnüşinde hatda hemra arkaly habarlaşmak mümkinçiligi hem bar.
