Warner Music Group bilen Netflix köpýyllyk hyzmatdaşlyk şertnamasyny baglaşdylar. Bu şertnamanyň çäginde, Netflix meşhur saz leýbli bilen baglanyşygy bolan aýdymçylar we kompozitorlar barada dokumental filmleri hem-de seriallary köpçülige hödürlär. Bu hakda Variety neşiri habar berýär.
Bu taslama Unigram prodýuserlik kompaniýasy hem goşuldy. Ol Warner Music bilen bilelikde täze kontentleri döretmäge gatnaşar.
Wakalaryň ynandyryjylygyny saklamak üçin filmler gahrymanlaryň özleri ýa-da olaryň hossarlary bilen maslahatlaşylyp taýýarlanylar.
Häzirlikçe ilkinji taslamalarda haýsy sazandalar barada gürrüň beriljekdigi resmi taýdan aýan edilmedi. Ýöne Warner Music-iň nusgawylardan Prins, Fleetwood Mac, Led Zeppelin we Joni Mitçell, şeble-de häzirki zamanlardan Ed Şiran we Bruno Mars ýaly ýyldyzlary öz içine alýan ätiýaçlyk gaznasy bar.
Bu hyzmatdaşlyk dünýä belli sazandalarynyň durmuşy we döredijilik ýoly bilen has içgin tanyşmagymyza mümkinçilik berer.
