«Jumanji 3» filminiň dünýä derejesindäki relizi iki hepde yza süýşürildi — premýera 25-nji dekabrda bolar.
Aslynda filmiň ekrana çykmagy 11-nji dekabra meýilleşdirilipdi. Premýeranyň wagtynyň üýtgedilmegine filmi Roždestwo mynasybetli dynç alyş döwründe görkezmek islegi sebäp bolandyr diýlip hasaplanýar.
Üçünji bölümiň sýužeti ýene-de ýetginjekler toparynyň başdan geçirýän syrly wideooýny bilen baglydyr.
Rollaryna Dueýn Jonson, Kewin Hart, Jek Blek, Karen Gillan we Denni DeWito ýaly aktýorlar gaýdyp geler. Taslamanyň režissýory we ssenariçisi Jeýk Kezdan bolar.
Ozal bu üçünji filmiň franşizanyň jemleýji bölümi bolup biljekdigi habar berlipdi. Şeýle hem täze bölümiň 1995-nji ýyldaky asyl filme has ýakyn boljakdygy bellenildi.
