Ýewropa kosmos agentligine degişli bolan "Solar Orbiter" kosmos apparaty Ýeriň garşysynda ýerleşýän orbitadaky nokadyny eýeledi. Bu ýagdaý Günüň hem Ýerden görünýän tarapyny, hem-de onuň arka tarapyny bir wagtyň özünde synlamaga mümkinçilik berýär.
Şeýle ýerleşiş birnäçe günüň dowamynda saklanar. Şondan soňra apparat orbita boýunça Ýerden kem-kemden öňe geçip başlar. Şol bir wagtda, Günüň arka tarapynyň ep-esli bölegi ýene birnäçe aýlap synlamak üçin elýeterli bolar.
Ýaz paslynyň ahyryna çenli Günüň uzakdaky tarapynyň takmynan üçden iki böleginiň görünmegine garaşylýar. Tomsuň ahyrynda bolsa apparat Ýer bilen Günüň arasynda ýerleşer we ýerüsti teleskoplaryň görýän meýdançasyny synlar.
Bellenilip geçilişi ýaly, bu döwürde hasaba alnan alawlamalar we Gün tegmilleri dünýä kataloglaryna girizilmez. Gün işjeňligi baradaky maglumatlaryň ýoýulmagynyň öňüni almak üçin, olarda diňe Günüň Ýere öwrülen tarapyndaky wakalar hasaba alynýar.
