Apple kompaniýasy iPhone üçin iOS 26.4 täzelenmesini hödürledi. Esasy üýtgeşmeler Apple Music hyzmatyna, şeýle hem birnäçe ulgam funksiýalaryna degişli boldy.
Apple Music-de tekst beýany esasynda pleýlistleri döretmäge mümkinçilik berýän Playlist Playground beta-wersiýasy peýda boldy. Ýakynda geçiriljek konsertleri tapmak üçin Concerts bölümi, şeýle hem internet bolmazdan sazy tanamak we tora çatylandan soň netijäni bermek funksiýasy goşuldy.
Ulgamda ýedi sany täze emoji peýda boldy. Olaryň arasynda serhoş ýüz, ýeti (gar adam), kosatka, trombon, dagdan daşlaryň gaýtmagy we balet tansçysy bar.
Freeform goşundysy suratlar bilen işlemek üçin gurallary we Apple Creator Studio ýygyndysy bilen birleşmäni aldy. «Maşgala elýeterliliginde» (Family Sharing) uly ýaşly ulanyjylar indi söwdalary öz töleg usullary bilen töläp biler. «Ýatlatmalar» bölümine bolsa ýumuşlary gyssagly diýip bellemek we olary tertipleşdirmek mümkinçiligi goşuldy.
Şeýle-de, kompaniýa iPadOS 26.4, macOS 26.4 we watchOS 26.4 täzelenmelerini çykardy. Ýakyn wagtda emeli aňyň esasyndaky funksiýalary bolan iOS 26.5-iň beta-görnüşine garaşylýar.
