2026-njy ýylyň 25-nji martynda Türkmenistanyň Ýaponiýadaky ilçisi A.Baýramow Ýaponiýanyň Daşary işler boýunça Döwlet ministri Aýano Kunimitsu bilen duşuşdy. Bu barada Türkmenistanyň DIM-i habar berýär.
Söhbetdeşligiň barşynda ilçi 2025-nji ýylyň dekabrynda Türkmenistanyň Prezidentiniň Ýaponiýa amala aşyran saparynyň ýokary derejede guralandygy üçin minnetdarlyk bildirdi we türkmen tarapynyň Ýaponiýanyň Premýer-ministri Sanae Takaitiniň Türkmenistana saparyny guramaga taýýardygyny tassyklady.
Taraplar syýasy-diplomatik, söwda-ykdysady we energetika howpsuzlygy ýaly ugurlarda ozal gazanylan ylalaşyklaryň durmuşa geçirilişini maslahatlaşdy.
Öz gezeginde, Aýano Kunimitsu sebitdäki ýagdaýlar sebäpli ýapon raýatlarynyň Eýrandan howpsuz çykarylmagy üçin ynsanperwer geçelgäni döretmekde beren goldawy üçin Türkmenistanyň ýokary ýolbaşçylygyna aýratyn minnetdarlyk bildirdi.
