Disney kompaniýasy «Awatar 3: Ot we kül» (Аватар 3: Пламя и пепел) filminiň sanly platformalarda çykjak senesini yglan etdi. 31-nji martdan başlap, bu filme Amazon Prime Video, iTunes we beýleki platformalarda tomaşa edip bolar.
Şeýlelikde, filmiň üçünji bölümi kinoteatrlarda görkezilip başlanandan üç aý geçenden soňra onlaýn elýeterli bolar. Bu wagtyň içinde film 1,48 milliard dollar girdeji gazanyp, taryhda iň girdejili 17-nji film boldy. Deňeşdirmek üçin, franşizanyň birinji bölümi 2,9 milliard dollar, ikinjisi bolsa, takmynan, 2,3 milliard dollar gazanypdy.
Blokbasteriň sýužeti wulkanlaryň golaýynda ýaşaýan Na’wi urugy barada gürrüň berýär. Esasy kyssaçy indi Jeýk Salliniň ogly Loak bolup durýar. Baş rollary Sem Wortington, Zoi Saldana, Keýt Winslet we Sigurni Wiwer ýerine ýetirdi.
Film gahrymanlaryň maşgala taryhy bilen başdan geçirmeleri utgaşdyryp, Pandora dünýäsini öwrenmegini dowam etdirýär.
