Disney kompaniýasy “Moana” multfilminiň kino görnüşdäki remeýkiniň resmi treýlerini çykardy. Filmiň halkara derejesinde ilkinji görkezilişini 10-njy iýulda geçirmek meýilleşdirilýär.
Baş keşbi kinoda ilkinji gezek çykyş edýän Ketrin Lagaýa ýerine ýetirýär.
Öň mulftilmde ýarymhudaý Maui atly gahrymana ses beren Dueýn Jonson indi ony ekranda janlandyrdy.
Film Motunui adasyndan bolan Moana atly gyzyň öz halkyny halas etmek we Polineziýada ýiten adany tapmak üçin howply syýahata çykyşyny gürrüň berýär.
Filme "Gamilton" mýuzikli bilen tanalýan Tomas Keýl režissýorlyk etdi. "Moananyň" multfilm görnüşi 2016-njy ýylda peýda boldy, dowamy bolsa 2023-nji ýylda çykdy. Olar jemi 1,7 milliard dollar töweregi girdeji gazandy. Birinji bölüm 643 million dollar gazanyp, "Iň gowy animasiýa filmi" ugry boýunça "Oskar" baýragyna dalaş etdi, ondaky How Far I'll Go aýdymy bolsa "Iň gowy aýdym" ugry boýunça baýraga göreşdi.
