«Özbegistanyň Oliý Mejlisiniň Kanunçylyk palatasy internetde kemsitmeler we paýyş sözler üçin jogapkärçiligi göz öňünde tutýan täze kanuny kabul etdi. Resminama häzirki wagtda Senatyň garamagyna iberildi» diýip, Gazeta.uz habar berýär.
Kabul edilen üýtgetmelere görä, telekommunikasiýa ulgamlarynda gödek sözleri ulananlara, kemsidiji hereket edenlere, jemgyýetçilik tertibini bozan we söweş hereketlerine çagyryp, yşarat edenlere berk temmiler bellenilýär:
Kemsidip, adam mertebesini peseldenlere 5 million suma çenli (takmynan 400 dollar) jerime ýa-da 10 gije-gündize deňiç administratiw tussag edilmegi teklip edilýär.
Öz eden bikanun hereketlerini internetde ýa-da köpçülikleýin habar beriş serişdelerinde görkezen (mysal üçin, düzgün bozup wideo düşüren) adamlar hem jogapkärçilige çekiler.
Deputat Saýdullo Azimowyň bellemegine görä, bu resminama «ownuk bitertiplik» maddasynyň çäginde has-da takyklaşdyryldy. Mundan başga-da ýaragly çaknyşyklara gatnaşmagy wagyz edýän materiallary ýaýradýanlar üçin hem jogapkärçilik girizilýär. Saklanylan emlägi gizlemek ýa-da zaýalamak üçin jerime möçberi 100-den 20-ä çenli (binýatlyk hasaplama mukdaryna) peseldildi. Bu işlere gözegçilik etmek Mejbury ýerine ýetiriş býurosyna (MÝÝB) tabşyryldy.
