"Möý adam: Düýbünden täze gün" filminiň treýleri ilkinji 24 sagadyň dowamynda iň köp tomaşaçy toplamak boýunça rekord goýdy. Wideo sosial mediada 718,6 million tomaşaçy toplady, bu bolsa taryhda iň ýokary görkezijidir diýip, Variety habar berýär.
Öňki rekord “Dedpul we Rosomaha” filmine degişlidi, onuň treýleri 365 million tomaşaçy toplapdy. 2021-nji ýylda "Möý adam: Öýe ýol ýok" filminiň treýleri ilkinji 24 sagadyň dowamynda 355,5 million gezek görlüpdi.
Täze filmde Tom Holland, Zendeýa, Sedi Sink, Jon Berntal, Mark Ruffalo we beýlekiler surata düşdüler. Filmiň režissýory ozal "Şan-Çi" filminiň üstünde işlän Destin Deniel Kretton boldy.
Filmi kinoteatrlarda ilkinji gezek 31-nji iýulda görkezmek meýilleşdirildi.
